حتى تتحقق مطالبنا
كما نتوقع من أي شخص مخبول
أعلن الكذافي الحرب على شعبه
وطبق الطرفة التي تقول:
الرئيس يريد تغيير الشعب
اللي سمع خطابه انبارح
خطاب طويل وممل ورخم
وغير ملائم للأحداث بالمرة
صدق الكذافي نفسه بجد
يحسسك انك في زمن تاني الطليان فيه بيحاولوا احتلال ليبيا
كوميديا ما بعدها كوميديا
تقولش الليمبي في شبابه
"شكله كده بيعيد الخطاب اللي قاله من كم واربعين سنة لما ثار الليبين ضد الطليان"
وبعدين المفاجأة اللي قالها في خطابه انه طلع مش هو الريس
دا طلع قائد ثورة وبس
يااااه حتة حكاية
كويس اني عرفت المعلومة دي
كان حيفوتني كتير لو مت قبل ما أعرفها
وأتاريني بقول ليه هو عقيد بس مش لوا ولا فريق
الطريف انه في خطابه أعلن الثورة والنضال
ضد من ؟؟
ضد الشعب طبعا وهو عنده عدوغيره
أتاري بقى الشعب بتاعه طلع محتاج يتربي من تاني
وعلشان الشعب فيه الكبير والصغير من شباب وعواجيز ومن رجال ونساء
فأحسن وسيلة تربية تجمعهم كلهم هي ضربهم بالصواريخ والقنابل.
الليبيين بيذبحوا في الشوارع وسعادته بيقولهم اطلعوا من بيوتكم ودافعوا عن ثورتكم
بيطبق نظرية الأغلبية المندسة.
يعني الكذافي أعلن الزحف المكدس
ليس لتحرير القدس
بل لتحرير ليبيا من شعبها
مش مهم بقى انه يستعين بأفارقة من كل مكان
ويدفع لهم مليارات
المهم البلد تتحرر
يبقى كدا ليبيا فيها ثورتين
حاجة ما حصلتش
الكذافي عاوز يدمر ويقسم البلد ويخليها خرابة قبل ما يمشي
ده ان مشى أصلا
مش هاين عليه ان الشعب بدأ يتنفس ويقوله لأ
ودي في عقيدته جريمة لا تغتفر
هذا الشخص فعلا مريض بالاستبداد والهبل والجنون
ولا حتى يرتقي لأخلاق الحيوانات
مع الاعتذار للحيوانات طبعا
الاشتراك في:
تعليقات الرسالة (Atom)
0 التعليقات:
إرسال تعليق