حتى تتحقق مطالبنا
لسه ثورتنا زي ما هي
ومش حنقف إلا لما نشوف ثمارها قدام عنينا
مهما أخد ده من وقت
اللي شارك في الثورة هو اللي حيقدر يحميها
انتشرت وانطلقت دعوات لجمعة غضب أو لثورة أخرى
وانا معاكم
بس !!!
المهم اننا نكون متفقين
ما ينفعش نشتت نفسنا
لازم الكل يكون موجود
وتكون المطالب واحدة
وفي الاطار اللي حدده الشعب
مجلس رئاسي لأه
نعمل دستور الأول لأه
نتجاوز خيار الشعب لأه
زي ما بدأنا باستفتاء الشعب واختار التعديلات
يبقى لازم نحترم خيار الشعب
ونثق فيه
شعبنا مش ساذج ومش منافق ومش مضحوك عليه
علشان نتجاوز خياراته ونكون أوصياء
الشعب بشبابه وفتياته هما اللي نجحوا الثورة
شعبنا ثائر وواعي وفاهم
لازم الأساس الجديد للدولة يكون صحيح وعميق ومتين
صحيح بخطواته
وعميق بآليات التنفيذ
ومتين بتوحيد الجهود والأهداف
تحياتي
الاشتراك في:
الرسائل (Atom)